Basketball

Albin Kurti: Përkujtimi i 17-vjetorit të Pavarësisë së Kosovës

Albin Kurti, në postimin e tij të fundit në Facebook, ka shprehur gëzimin dhe krenarinë për 17-vjetorin e shpalljes së Pavarësisë së Kosovës. Ai thekson se ekonomia e Kosovës është trefish më e madhe sesa para 17 vjetëve dhe se vendi është shembull për siguri në rajonin e Ballkanit. Kurti gjithashtu vlerëson kontributin e dëshmorëve, martirëve, rezistencës paqësore dhe asaj të armatosur, invalidëve dhe veteranëve të UÇK-së, si dhe të gjithë veprimtarëve që qëndruan në kohë të vështira për të siguruar kohë të mira për të gjithë.

Postimi origjinal:
“Dimër i ftohtë por zemrat e ngrohta, teksa urojmë njëri-tjetrin për 17-vjetorin e 17 Shkurtit, shpalljes së Pavarësisë së Kosovës, si shtet sovran, demokratik, me integritet territorial, me progres social, me avancim demokratik dhe me rritje shembullore ekonomike.

Ekonomia e Kosovës është trefish më e madhe sesa para 17 vjetëve. Në të njëjtën kohë jemi edhe shembull për siguri jo vetëm në rajonin e Ballkanit, kur kemi parasysh të drejtat e qytetarëve, mirëqenien e tyre, entuziazmin popullor dhe sukseset e Republikës sonë, që janë suksese të popullit, të institucioneve, po edhe të partnerëve, miqve, aleatëve tanë nga Shtetet e Bashkuara të Amerikës te Bashkimi Evropian dhe mbarë perëndimi demokratik.

Padyshim që mund të jemi krenar që i kemi dalë hakut sakrificës, flijimit të aq shumë dëshmorëve e martirëve, kontributit të jashtëzakonshëm edhe të rezistencës paqësore edhe asaj të armatosur, invalidëve e veteranëve të UÇK-së dhe të gjithë veprimtarëve, të cilët qëndruan në kohë të vështira, në mënyrë që ne të kemi kohë të mira.

Gëzuar të gjithë qytetarëve të Republikës!
Urime Dita e Pavarësisë!”